1. Ho ithuta bohlale ba Molimo ke ntho e bohlokoa haholo eo nka e etsang (Diproverbia 2:4-5, Diproverbia 4:5).

2. Ha kea lokela ho lumela ntho e ’ngoe le e ‘ngoe eo ke e utloang (Diproverbia 14:15).

3. Ke lokela ho latela thato ea Molimo liqetong tsohle tsaka a tle a tsebe ho ntataisa (Diproverbia 3:5-6).

4. Ke lokela ho mamela keletso le bohlale bo tsoang ho ntate le ’m’e (Diproverbia 1:8).

5. Keletso e ntle e hlohonolofatsa bophelo ba ka mme e ntumella ho thusa ba bang (Diproverbia 10:17).

6. Haeba ke iphapanyetsa thuto e ntle, ke tla hlaheloa ke koluoa (Diproverbia 13:18).

7. Taelo e ntle e nthusa ho aheha le ho ntlafala (Diproverbia 9:9).

8. Molimo ha a batle hore ke be hlaha kapa ke be bolotsana (Diproverbia 3:31-32).

9. Ke hloka ho ba le sepheo se nepahetseng pelong ea ka (Diproverbia 4:23, Diproverbia 12:5).

10. Molimo o tseba lebaka la sebele leo ka lona ke etsang hoo ke ho etsang. (Diproverbia 16:2).

11. Ke leoatla haeba ke sa natse tsebo le khalemelo (Diproverbia 1:22, Diproverbia 12:1).

12. Ho latela thato ea Molimo ho ntšireletsa likoluoeng tse ngata (Diproverbia 1:33).

13. Nka lokoloha tšabong ka ho tšepa Molimo (Diproverbia 3:25-26).

14. Ke lokela ho tšepa Molimo ho ena le ho itšetleha holima kutloisiso eaka le bokhoni ba ka (Diproverbia 3:7, Diproverbia 11:2, Diproverbia 12:15).

15. Nkeke ka pata libe ka ho sa feleng (Diproverbia 10:9).

16. Melao ea Molimo e-ea ntšireletsa le ho nthusa (Diproverbia 6:23-24).

17. Ke matla haeba nka laola litakatso tsaka le maikutlo (Diproverbia 16:32,
Diproverbia 25:28).

18. Haeba ke bua ka bohlasoa, ke intša kotsi le ba bang (Diproverbia 10:8, Diproverbia 10:21).

19. Ke lokela ho tsamaela hole le batho ba lekang ho nkisa bobeng (Diproverbia 1:10-15, Diproverbia 4:14-15, Diproverbia 14:7, 16).

20. Ke lokela ho khetha metsoalle e nang le semelo seo ke batlang hoba le sona (Diproverbia 13:20).

21. Molimo o bona sohle seo ke se etsang (Diproverbia 5:21, Diproverbia 15:3).

22. Metsoalle eaka e bona bohlokoa ho nna haeba ke na le tšepehi ebile ke na tšepahala (Diproverbia 19:22).

23. Ho arolelana bophelo le batho bao ke ba ratang ho molemo ho feta mahali-hali (Diproverbia 15:17).

24. Ke lokela ho nka nako e lekaneng ho nahana ka liqeto ka hloko (Diproverbia 21:5,
Diproverbia 19:2).

25. Haeba ke le bohlale, ke tla rata tsebo, ‘me ke tla ba hlokolosi (Diproverbia 8:12).

26. Ke tla qoba lino tse tse tahang hobane li baka boitšoaro bo bobe (Diproverbia 20:1).

27. Ha kea lokela ho leka ho iphetetsa ho ba bang empa ke lokela ho tšepa Molimo ho tlisa toka (Diproverbia 20:22).

28. Ke lokela ho leka ho ba le khotso ho e-na le ho loana le ba bang (Diproverbia 3:30,
Diproverbia 20:3, Diproverbia 10:12).

29. Ha kea lokela ho bua leshano ho kenya ba bang mathateng (Diproverbia 30:10).

30. Haeba ke tšepahala, nkeke ka bolela makunutu ho baka mathata (Diproverbia 11:13, Diproverbia 20:19).

31. Haeba kena le botho bo botle, ke tla bua ‘nete. (Diproverbia 13:5, Diproverbia 14:5).

32. Ke lokela ho nahana ka hloko pele ke bua (Diproverbia 15:28).

33. Ha kea lokela ho potlakela ho nyatsa le ho ba le likhohlano le ba bang (Diproverbia 11:12, Diproverbia 17:27).

34. Ke leoatla haeba ke halefa kapele (Diproverbia 12:16, Diproverbia 14:29).

35. Ke lokela hoba hlokolosi hore mantsoe a ka a tle a hlohonolofatse batho eseng ho ba ntša kotsi (Diproverbia 12:18, Diproverbia 12:25, Diproverbia 16:24, Diproverbia 18:21).

36. Ke lokela buoa ‘nete kamehla (Diproverbia 4:24, Diproverbia 12:17).

37. Ke lokela ho mamela lintlha pele ke fana ka maikutlo (Diproverbia 18:13).

38. Haeba ke bua haholo, ke buoa lintho tsa boetsalibe (Diproverbia 10:19).

39. Ke lokela ho fana ka tlhompho e ikhethang ho ba holileng (Diproverbia 16:31, Diproverbia 20:29).

40. Ho loka le ‘nete li tla ntlisetsa tlhohonolofatso ho tsoa ho Molimo le tlhompho ho tsoa ho batho (Diproverbia 3:3-4).

41. Molimo o tla nkhalema ha ke etsa bobe hobane oa nthata (Diproverbia 3:12).

42. Pele ke etsa qeto, ke lokela ho nahana ka litlamorao (Diproverbia 22:3).

43. Haeba ke etsa sebe, ke tla kotula litlamorao tse bohloko (Diproverbia 6:27).

44. Haeba ke le botsoa, ke tla hloka joalo ka ha eka ke utsoelitsoe (Diproverbia 6:10-11,
Diproverbia 19:15).

45. Ha kea lokela ho ba botsoa hobane ho ba botsoa ho tšoana le ho senya
(Diproverbia 18:9).

46. Ke lokela ho sebetsa le ho sebelisa menyetla ho ntlafatsa bokamoso ba ka (Diproverbia 6:6-8, Diproverbia 20:13).

47. Ha kea lokela ho ba sehlōhō ho liphoofolo (Diproverbia 12:10).

48. Diketso tsa ka li mpha botumo (Diproverbia 20:11).

49. Ke lokela ho rera ho mamella le ho phehella linakong tse thata (Diproverbia 24:10).

50. Ke lokela ho ikemisetsa ho sebetsa ka nako e nepahetseng bakeng sa liphetho tse ntle ka ho fetisisa (Diproverbia 10:5, Diproverbia 20:4).

51. Botsoa bo tlisa mathata a mangata bophelong, empa mosebetsi o tlisa menyetla
(Diproverbia 15:19, Diproverbia 14:23).

52. Ha kea lokela ho leka ho fumana phaello ka ho etsa ntho e sa tšepahaleng (Diproverbia 10:2, Diproverbia 11:18, Diproverbia 15:27).

53. Nka fumana chelete ka ho sebetsa le ho boloka (Diproverbia 10:4, Diproverbia 12:11,
Diproverbia 13:11, Diproverbia 21:20, Diproverbia 28:19).

54. Molimo o tla mpha seo ke se hlokang haeba ke lokile (Diproverbia 10:3).

55. Molimo o tla hlohonolofatsa chelete ea ka le thepa ea ka haeba ke fana ho Molimo (Diproverbia 3:9-10).

56. Ke lokela ho lefa ba bang seo ke ba kolotang sona kapele kamoo nka khonang (Diproverbia 3:27).

57. Ke lokela ho fana ka seatla se bulehileng ho batho ba nang le litlhoko (Diproverbia 11:24-25, Diproverbia 14:21, Diproverbia 19:17, Diproverbia 21:13).

58. Chelete ea ka ha e mpoloke ke sireletsehile, empa ho loka ha ka ho etsa joalo (Diproverbia 2:7-8, Diproverbia 10:9, Diproverbia 10:25, Diproverbia 11:28).

59. Ha kea lokela ho jara boikarabelo ba likoloto tsa motho e mong (Diproverbia 6:1-3,
Diproverbia 17:18).